«Шырша» шағын орталығының салтанатты ашылуы

Мектепке дейінгі тәрбие мен оқытудың қолжетімділігін қамтамасыз ету, балалардың болуы үшін қажетті жағдайлар жасау және отбасыларды қолдау мақсатында 2026 жылғы 24 қыркүйекте Буланда ауылында Ақмола облысы білім басқармасының Биржан сал ауданы бойынша білім бөліміне қарасты «Буланда ауылының жалпы білім беретін мектебі» КММ жанынан толық күн режимінде жұмыс істейтін «Шырша» шағын орталығының ашылуы өтті. Бұған дейін «Шырша» шағын орталығы қысқа мерзімді болу режимінде, 25 орындық жобалық қуаттылықпен жұмыс істеген. Халықтың мектепке дейінгі білім беру қызметтеріне деген сұранысын ескере отырып және балалардың толық күн бойы болуы үшін қажетті жағдайлар жасау мақсатында шағын орталықтың жұмысын жаңа форматта қайта жандандыру туралы шешім қабылданды. Толық күн режимінде жұмыс істейтін шағын орталықтың қызметі мектеп жасына дейінгі балаларды мектепке дейінгі тәрбие мен оқыту қызметтерімен қамтуды арттыруға, тәрбиеленушілер үшін қолайлы жағдайлар жасауға, сондай-ақ мектепке дейінгі жастағы балалары бар ата-аналарға қосымша қолдау көрсетуге мүмкіндік береді. Бұл күн балалар, ата-аналар, педагогтер және ауыл тұрғындары үшін маңызды әрі қуанышты оқиға болды. Іс-шара барысында лентаны салтанатты түрде қию рәсімі өтті. Салтанатты ашылу рәсіміне ата-аналар, педагогтер, қонақтар, сондай-ақ Биржан сал ауданының әкімі Б.К. Қасенов, аудан әкімінің орынбасары О.Т. Ахметова, Биржан сал ауданының прокуроры А.К. Құлушев, білім бөлімінің басшысы Р.К. Әбдікенов, мәслихат төрағасы Н.С. Қуатова, білім бөлімінің әдіскері Д.К. Нәтиева қатысты. Мерекелік шараға шағын орталық тәрбиеленушілері ерекше көңіл-күй сыйлады. Қонақтар мен ата-аналарға арнап балалар шағын мерекелік концерттік бағдарлама дайындады. Олар өлеңдер оқып, әндер орындап, өздерінің шығармашылық қабілеттерін көрсетті. Жас өнерпаздар үлкен ынта-жігермен өнер көрсетіп, барлық қатысушыларға көтеріңкі көңіл-күй мен жағымды әсер сыйлады. Іс-шара барысында қонақтар жылы лебіздерін білдіріп, балаларға, ата-аналарға және педагогтерге ақжолтай тілектерін жеткізді. «Шырша» шағын орталығының ашылуы жылы, мерекелік және достық атмосферада өтті. Барлық қатысушылар үшін бұл күн шағын орталықтың өміріндегі жаңа кезеңнің бастауын айқындаған жарқын әрі есте қаларлық оқиға болды.