«Парктер шеруі–2019»

2019 жылы 6 маусым күні «Парктер шеруі – 2019» Халықаралық табиғатты қорғау акциясы және Жасыл технология мен инвестициялық жобалардың халықаралық орталығымен бірлескен көрмесі өтті. Парктер шеруінің мақсаты – жұртшылықтың, мемлекеттік билік қызметкерлерінің, бұқаралық ақпарат құралдарының, кәсіпкерлердің назарын ерекше қорғалатын табиғи аумақтардың мәселелеріне аудару. 
Іс-шара бағдарламасында:
• Бурабай поселкісінен «Орманшы саябағына» дейін Telsa автокөлігі мен 
Ш.Уәлиханов атындағы кадет корпусының үрмелі оркестрінің еріп жүруімен қатысушылардың салтанатты маршы;
• Мектептердің ғылыми жобаларының көрмесі;
• Telsa автокөліктерінің көрмесі;
• «Оқжетпес» шипажайына дейін автобуспен бару;
• «Абылай хан» алаңына дейін жаяу бару;
Іс-шараның салтанатты бөлімінен кейін «Ғаламшарды ретке келтір» экологиялық акциясы ұйымдастырылды. Аталған шараға Біржан сал ауданының Бұланды, Казгородок, Қоғам, Макинка орта мектептерінің оқушылары қатысты. Мереке соңында барлық қатысушыларға алғыс хаттар мен естелік сыйлықтар табысталды. 
Өткен іс-шара оқушыларға қатты ұнады, әсіресе мұражайға саяхат және автокөліктердің көрмесі.