Профессор Кабытаев Қуанышпен кездесу

2020 жылы 16 қаңтар күні Біржан сал ауданының Степняк қаласындағы қалалық №1 орта мектебінің және Абай атындағы №2 қазақ орта мектебінің жоғары сынып оқушыларымен кәсіптің бағдар беру мақсатында Казгородок орта мектебінің түлегі (Ломоносов атындағы МГУ білім алған, Франция, Америка мемлекеттерінде білімін жетілдіріп, бүгінгі таңда Американың Миссури штатында медицина факультетінде қызмет атқарып жүрген) химия ғылымының докторы, профессор - Кабытаев Куанышпен кездесу өтті. Оқушылар өздерін қызықтыратын сұрақтарын қойып, жауаптарын алды. Кездесу барысында заман талабына сай мамандықтар талқыланып, оқушыларға бағыт-бағдар берілді. Кездесуден кейін мектептің "Рухани жаңғыру" кабинетіне және мектеп мұражайына саяхат жасалды. Аудандық Оқу-өндірістік комбинаты ғимаратында орналасқан "Рухани жаңғыру" кабинетіне де ат басын бұрып, туризм бағыты бойынша облыстық және Республикалық сайыстардың бірнеше дүркін жеңімпазы атанған "NOMAD" командасының жетістіктерімен де танысты. Ауданымыздың жас жеткіншектерінің жетістіктерін көріп тамсанған бауырымыз Еліміздің болашағы биік болатынына сенім білдіріп, істерімізге сәттілік тіледі. Оқушыларымызға өзінің байланыс тетіктерін қалдырып сұрақтарына әрдайым жауап беруге дайын екенін ескертті. Біз де Еліміздің абыройын асқақтатып жүрген Куаныш бауырымызға алғысымызды білдіреміз!